Little cowgirl needs a mom (unedited teaser)

good evening.

well, hindi talaga ako magaling gumawa ng teaser ng kuwento. pero dahil kailangan siya, wala naman akong magagawa. i'm trying my very best to write an interesting teaser for that story. 'eto na nga siya. kung hindi man maging interesting para sa inyo, well, bahala na. HAHAHAHA.

"I’m here. I’ll always be here for you from now on so you’d better be used to it."

Hindi naging maganda ang unang pagkikita nina Jenny at Evan. Sa isang banda, hindi niya masisisi ang lalaki dahil nag-aalala lamang ito sa anak nito. Sa isang banda, naiinis din siya sa sarili niya dahil iba ang epekto sa kanya ng presensya ng binata.

     Dahil sa hindi inaasahang pagkakataon, naging malapit siya sa anak nitong si Gracie. Tinulungan niya itong makumbinsi si Evan na payagan itong mag-aral ng quilt sa quilting shop na pinagta-trabahuhan niya kahit hindi nito hinihingi ang tulong niya. Nakikita kasi niyang gusto talaga nitong matuto, natatakot lang itong magsabi sa ama nito.

     Habang lumilipas ang mga araw na nakakasama niya ang mag-ama ay lalo lang siyang nagiging malapit sa mga ito, maging sa ama at kapatid ni Evan. Doon lang din niya naramdaman ang pakiramdam na kabilang siya sa isang pamilya.

     Alam niyang pareho sila ng nararamdamang atraksiyon ni Evan sa isa’t-isa. Sa parte niya, alam niyang hindi lang simpleng atraksiyon ang nararamdaman niya dito hanggang sa inamin na niya sa sarili niyang nahuhulog na ang loob niya sa lalaki.

     Ngunit hahayaan ba niyang malaman nito ang tunay niyang nararamdaman kung alam niyang hindi naman permanente ang pananatili niya sa lugar na ‘yon? Lalo pa’t may isang bangungot ang muling sumulpot sa buhay niya at may posibilidad na madamay ang mga ito sa dulot na problema ng bangungot na iyon.

maintindihan nyo sana siya. HAHAHA. pasensya na at tina-tantrums ang inyong lingkod at inaatake ng migrane.

good night. :)

-nDR-